🍎❤️تارت التفاح🍎❤️
.
مقادير العجينه:
كوب ونص طحين ابيض
١٢٠ غرام زبده بارده
ربع كوب سكر ناعم الحبيبات
١ بيض
رشة ملح-رشة قرفة
.
الطريقة:
نخلط الزبده مع السكر لما يتجانسون نضيف البيض ونخلط تالي الطحين والملح والقرفه ونخلط..ناخذ العجينه ونلفها بنايلون وندخلها الثلاجه ساعه عشان تبرد وتتماسك..تالي نطلعها و نفردها على سطح مرشوش طحين ..ما نخليها خفيفه وايد عشان لا تتقطع..و نشيلها و نفردها بصينية التارت و نضبط العجينه عدل من كل الجوانب بحيث تاخذ شكل القالب..و نغزز القاعده بشوكه..وبنص القالب نضيف ورق زبده و كوبين رز او عدس فوق الورق .عشان يكون مثل الثقل فوق العجينه وماترتفع من النص وندخلها الفرن تتحمر لمدة ١٠ دقايق تالي نطلعها و نشيل الورق مع العدس وندخلها مره ثانيه الفرن ٥ دقايق تتحمر من النص
.
الحشوة:
٣ تفاحات مقطعين مكعبات صغيره
ربع قالب زبده
نص كوب سكر اسمر
كوب جوز مفروم
١ بيض
ملعقتين طعام طحين
ربع كوب كورن سيرب
ملعقه طعام قرفة
.
الطريقة:
نذوب الزبده تالي نضيف التفاح ونحمس وتالي السكر ونحمسهم عدل ..نسكر على النار ونضيف الجوز و القرفه و الكورن سيرب و البيض والطحين ..تالي ناخذ عجينه التارت ندهنها بالكراميل و نحط هالحشوة و ندخلها الفرن ٢٥ دقيقه
.
و تقدم مع الكراميل او اللوتس👌😍
