| تآرت جوز البيكان لذيذ وحلاه موزون 🤤 |
** أول شيء نصلح العجينة :
كل المقادير نخلطهم مع بعض بمحضرة الطعام
أو بالعجانه بمضرب الـ k أو إذا ماعندك لا هذا ولا هذا بيدّك بس الأجهزة أسرع 👌🏻
كوب وربع طحين أبيض متعدد الاستعمالات + نص م ص ملح + م ك سكر + ربع كوب ماء بارد + م ص فانيلا سائلة + اصبع زبدة باردة من الثلاجة مقطعه مكعبات صغيره ..
ونضربهم بالخلاط على أسرع شيء لين تتشكّل العجينه بعدين نحطها بكيس أو نغلفها بنايلون وندخلها الثلاجة تتماسك ..
** الحين نجهّز الحشوة عباره عن :
بيضتين + م ص فانيلا + م ص قرفه مطحونه + ثلاث أرباع كوب سكر بني + اصبع زبدة نذوبها بقدر ع النار لين تتحمّص وتاخذ لون مو شرط هالحركه بس تعطي نكهه لذيذه + كوب جوز مفروم + ربع م ص ملح + ربع كوب سيروب أو عسل ..
نخفقهم بسلك يدوي لين تتجانس المكونات ..
نجيب العجينه نفردها بين ورقتين زبدة لين تصير رفيعه بعدين نرتبها بصينية التارت ونضيف الخليط ونرتب ع الوجه حبات جوز وندخلهم فرن مسبق التسخين على درجة 180ْ مشغل من تحت ع الرف الوسط أخذت معي 45 دقيقة ..
وأول ماطلعتها عندي كاراميل جاهز ذوبته شوي وصبّيته ع الوجه والتارت ساخن بعدين بس يبرد شوي ندخله الثلاجه يتماسك مضبوط عشان نقدر نقطعه بشكل مرتب .. .
و بألف عافيه على قلوبكم ♥️
