| بيني باستا الورديه اسمّيها الباستا ( المنغنغه )🍝😋👌🏻 | لذيذه لذآآذه ماحصلتشي 💘
1- بالقدر نضيف شوي زبده وبعدن نحط عليه
فص مهروس مع أعشاب إيطاليه وزيت الزيتون
ونجلس نحرك بسرعه مجرّد ماتطلع ريحة الثوم مع الأعشاب نضيف دجاح صدور مبرّده مقطعه
على حسب ذوقكم .
2- إذا صار لون الدجاج أبيض وتماسك أضيف فلفل رومي أحمر وبعدين أضيف عليه طماطم مقشر معصور وأضيف البابريكا + الفلفل الأسود + وأخليه شوي يتسبّك بعدين أضيف ماء مغلي وأوزن الملح .
3- بعدين أضيف الباستا بدون سلق مباشره من الكرتون وأشوف الماء لازم تغطّي الباستا .
4- أقفّل عليها الغطاء وأخليها لين تستوي وبعدين أضيف كريمة طبخ على حسب ذوقك تحبين تكثرين تقللين قلبي بالملعقه وشوفي كيف القوام .
5- نضيف أجبان مبشوره ( موزريلا ، قشقوان ، تشيدر )
وبعدين نوزع أوراق الريحان الطازج ع الوجه ونغطّي الغطاء مره ثانيه عشان تذوب الأجبان ويطلع طعم الريحان بالباستا .
6- التقديم : ضروري تنغرف بالصحن وعلى طول تآكلونها وهذا حلاتها دافيه مو تبرد وترشّون ع الوجه بارميزان وبسسس لذاذذه 😋
بالعافيه على قلوبكم مقدّماً ❤✨ .
1- الباستا أضيفها بدون سلق وأخليها تطبخ مع الطماطم والأعشاب الايطاليه تطلع ألذ من إني أسلقها وبعدين أحركها جرّبو 👌🏻
2- إذا تحبون تضيفون بقدونس أو كزبره مفرومه خلوها بالأخير بعد ماتذوب الأجبان .
3- الريحان الطازج تحصلونه التميمي والدانوب بالثلاجه مع الورقيات مكتوب عليه basil أوراقه تشبه النعناع
بس أكبر 🍃
