🙊ايش يسمونه بولاو في بلادكم ؟!
حافظين معنى بولاو ؟!
المقادير
- لكل ٢٠٠٠ غ فخوذ اعتمد ١٥٠٠ غ رز
– خلطه الخضراء :
- ٢ بصل ابيض كبار
- ٢ فلفل اخضر
- ١ فلفل رومي
- ١/٢ حزمه كزبره
- راس ثوم
- زنجبيل انشين
- لومي حبه
- ليمونه ربع قطعه
– بهارات الصحيحه :
- (١) فلفل احمر بارد حبتين
- فلفل اسود ١ م ص
- هيل اسمر ٢
- نجمة يانسون ١
- قرنفل ٦
– الايدام :
- بصلتين ابيض وسط مقطعه مكعبات صغيره
- زيت كوب
- زبادي كوب
- طماط مهروس ناعم ١/٢ كيلو
- ١ م ك معجون طماط ( انا اعتمدت مهروس ناعم توفره شركات )
- ١ م ك ملح
- فلفل احمر بودره ١ م ص
- بهارات اختياري : ١ م ك كزبره و ١ م ك كمون
طريقة التحضير
في قدر نصب زيت و نصيف مقادير خلطه الخضراء مكتوبه اعلاه نقلبها لين يذبل البصل ثم نصيف عليها بهارات الصحيحه (١) و نحمسها دقيقه ثم نضرب الخلطه هذه بالخلاط بعد ما يذبل البصل
في نفس الزيت نضيف فخوذ الدجاج نقلب ٥ دقايق على نار عاليه ثم نضيف عليه بصل ابيض و نقمرهم سوا ثم نصب زبادي و طماط مهروس ناعم مع بهارات و ملح مكتوبه اعلاه في خطوات الايدام ، بعد ما يثقل قوام الايدام نضيف خلطه الخضرا نقلب على نار وسط لمده دقيقتين ثم نضيف عليها رز و نصب عليها ماي لما يبقبق نغطي بالقصدير و نتركه على النار لين يستوي الرز و بالف عافيه
