بوفتيك صحي مقرمش ولذيذ😋
المقادير
لتتبيلة الدجاج:
- ٣ صدور دجاج مقسمة لقسمين بالعرض عشان تصير خفيفة والعدد يصير ٦ شرائح من صدور الدجاج
- ٢ ملعقة كبيرة زيت زيتون
- ١ ملعقة صغيرة ثوم
- ٢ ملعقة صغيرة ملح
- ١/٤ ملعقة صغيرة فلفل أسود
- ١ ملعقة كبيرة خل أبيض او عصير ليمون
ننقع الدجاج في التتبيلة ونخليهم على جنب اقل شي نص ساعة او اكثر
لخلطة البيض:
- ٣ بيضات
- ٢ ملعقة كبيرة معجون طماطم
- ١/٤ كوب عصير ليمون
- ١/٢ ملعقة صغيرة ملح
- ١/٤ ملعقة صغيرة فلفل أسود
نخلطهم مع بعض
للتلبيسة:
- ٢ كوب بقسماط
- من ملعقة كبيرة الى ملعقتين كبيرة بهارات ايطالية
طريقة التحضير
الافضل نسخن القلاية الهوائية قبل طبخ الدجاج ب ٥ دقائق نضغط زر الدجاج ونصف شرائح الدجاج في الارفف ونخليه من ٣٥ الى ٤٠ دقيقة او الين يحمر ونحرص انه كل ١٠ دقايق نبدل الارفف الي فوق نحطه بالنص والي بالنص نحطه فوق والي كان تحت نحطه فوق عشان نضمن استواء البوفتيك بشكل متساوي👌
