بسكوت الزعفران .. هش وخفيف بشكل لايوصف وسهل جدااا الكل يقدر يسويه
استخدمت اقماع البتفور لان مو متوفر عندي قمع البسكوت للاسف
المقادير
- ٢٠٠ جرام زبدة يعني اصبعين
- كوب ونص سكر بودرة او كوب سكر عادي
- ٣ حبات بيض
- ٣ كوب طحين ٣٧٥جرام
- نص م.ص باكنغ باودر قياسية
- رشة ملح
- خيوط زعفران
- ٣ ملاعق ماء ورد (المونه)
طريقة التحضير
▪︎نركب مضرب التقليب ونخلط الزبدة والسكر ترررررررررر لمدة موووو اقل من ثلاث اربع دقايق مع مراعاة مسح الحواف كل شوي لما توصل للقوام بالفيديو ناااافش وفااااتح
▪︎نضيف البيض بالتدريج ونكمل خلط ترررررر
▪︎نضيف الطحين والباكنغ باودر والملح مرة وحده ونخلط لمجرد تمازج الخليط ترررررررر
▪︎نضيف منقوع الزعفران بماء الورد ونخلط ترررر صغيرة يعني ثواني بس
▪︎نصب الخليط بكيس التزيين ونصب البسكوت بالشكل اللي نحبه على صينية مبطنه بورق زبدة
▪︎ندخل الصينية فرن محمي مسبقا حرارة ١٧٠ فقط من تحت والرف وسط .. اخذت مني حوالي ربع ساعه
▪︎شغلت الفرن من فوق مع تحت .. وتركتها بين خمس الى عشر دقايق … يعني المجموع من عشرين الى خمس وعشرين دقيقه
وبالعافية ⚘🙏🏻
#محمد_الكلحه #لذيذة_لذاذة_اللذوذين_كلهم😋👌 #بسكوت_كلحه #حلويات_كلحه #ليانا_الكلحه
