في قدر حطينا ملعقتين زيت
بصله مقطعه طويل وربع فلفل بارد مقطع طويل
نتركه يذبل شوي
اضفت صدر دجاجة مقطع طويل وفص ثوم لين يبيض
اضفت ٢ م ك بيستو ( معجون الريحان) وم ك معجون طماطم اختياري اذا تبونه محومر مثلي
اضفت م ص كل من ملح ( انتبهوا البيستو مالح) وماجي تركي وبهار ايطالي وبهار الباستا ونص م ص بهار عثماني اختياري
بهاراتي كلها ماعدا الباستا من توليفة خلطتي ☺️
اضفت الفلفل الحار وكوب ونص حليب
والباستا اخترت سباغاتي مقدار لشخصين او اي نوع تحبون
وزدت الماء الي يغطيه وهديت الحرارة وقفلته ١٠-١٢د
اضفت كوب ونص كريمه وغطيته ٥د
طفيته وضفت موزاريلا وقلبته وحطيته بصحن وصورته وكلته😁
البيستو اول شي حطيت ملعقة حسيت مابين زدت الثانية وممكن تزيدون ثلاث احلى بعد لذلك من البداية كتبت ٢م ك
