أحدث الوصفاتالمقبلات

المعبوج الأخضر

12965901 224810244561591 1502099169 n

– المعبوج الأخضر على طريقة أمي 😍💚 – .

الطريقة:
الثوم رأس كامل ننظفه وندق الفصوص لين تنهرس وتشوّح في زيت زيتون لين يصير لونه ذهبي مو يتحمر انتبهو + ملعقة كبيرة كزبره حب تدق لين تصير مجروشه و نصف ملعقة كمون حب يدق لين يصير مجروش ونضيفهم مع الثوم وبعدين نضيف له شوي ملح ونطفّي عنه النار ونضيفه على :

كيلو فلفل أخضر حار طازج ننظفه ونشيل الراس منه واللي مايحب الحبوب اللي داخل يشيلها ونحطه بمحضرة الطعام + ربع كوب خل .

وبعد ماينخلط نطبخه شوي على النار ٥دقايق تقريباً ونضيف م ك دبس الرمّان ، وبعدين نحطه في برطمان ونضيف له زيت زيتون لين يغطّيه بالكامل عشان يخليه محتفظ بالنكهات لفترة طويله ونغطيه مضبوط وعند الاستخدام : ناخذ بالملعقه ونحط بصحن مو ناخذ بالملعقه من نفس العلبه ونرجعها عشان يجلس بالثلاجه فتره طويله مايتغير طعمه ولا يخرب .

– يعتبر من المقبّلات يقدّم مع الأرز ، أو مع الحشوآت وأضيف منه مع خلطة الجبن المالح لذذذذذيذ 😋👌🏻

-ملاحظه :- اللي مايستسيغ طعم الزيت زيتون يحط زيت عادي خفيف مثل دوار الشمس وفيه زيت اسمه زيت الخردل يضيفونه بس للأمانه ماجربت طعمه 🙊

صالح لمدة شهر بالثلاجه ، واللي يبي يفرزنه :
مايضيف زيت زيتون ! يحفظ بالفريزر وعند الاستخدام بعد مايفك عن الثلج نضيف الزيت .

عبير العميرة

طبخآتي ماهي إلا نتاج حبّي لعآئلتي💛 و كل أملي أن تصل لذآئقتكم الرفيعَه .' Snap👻: abeer_alamerah للإعلانات: مشرفة الحساب واتس فقط : 0556068212 📍الرياض
زر الذهاب إلى الأعلى