– الكنآفه العشق 😍😋👌🏻 –
لذآذه لا تنتهي والأجمل إني استخدمت كنافة طازجه أخذتها من الدانوب .
* الطريقه :
١- نص كيلو كنافه اقصصه بالمقص عشوائي حجم وسط بعدين صبيت عليها اصبعين زبدة ذايبه مع 3 ملاعق كبيره سكر بودره والزبده ماتصبونها ع الكنافه وهي ساخنه لازم تكون دافيه مايله للبروده وبعدين تفركونها بأصابعكم لين تتداخل الكنافه كلها مع الزبده .
٢- نجيب صينية متوسطة الحجم وندهنها بالزبده ونرص الكنافه مضبوط من تحت وع الجوانب .
٣- الحين نصلح الحشوة .. ع النار :
كوب ونص حليب سايل
+ ربع كوب سكر
+ م ك طحين ابيض
+ ٣ م ك نشاء
نحرك لين يغلظ القوام و إذا بدى يغلظ على طول نحط كوب قشطة قيمر 250 مل + م ك ماء الزهر ( اختياري ) .
ونحرك بسرعه ونطفّي النار على طول .
٤- نحط الحشوة ع الكنافة بالصينيه واللي يحب التمطط يحط جبن موزريلا وبعدين الباقي من الكنافه نوزعه بالتساوي على الحشوه مع الضغط بخفّه ع الحشوه لين تتماسك كلها .
٥- ندخلها الفرن بالرف الوسط ونشغل الفرن من تحت على درجة حرارة 350 ونراقبها الين تشوفون الاطراف تحمّرت وبعدين نطفي اللي تحت ونشغل اللي فوق و اذا تحمرت نجيب الصحن ونقلبها على طول ونسقيها بالشيره ونجمّلها بالفستق الحلبي والورد المجفف أو على حسب الرغبة .. وبألف عافيه يارب ❤️ .
.
– حلاتها تتقدم من الفرن للمائده كذا تصير تصيييح من اللذاذه 😩😋👌🏻
