| الكنآفه المبرومه من سناب عبير العميره |
نحتاج كنافة شعر طويله استخدمت كنافة الدانوب وبرضو السنبله أو الكرامه ممتازه 👌🏻
ونحتاج زبده ذايبه ، ونحتاج جبن كيري للحشو . .
1- نرتب الكنافه بحيث تكون خصل جمب بعض ومو طويله مره يعني وسط عشان ماتصير الكنافه أكثر من الجبن .
2- بعد مانفردها ونرتبها ندهنها بالزبده ونحط الجبن بالطرف ونبرم الكنافه ع الجبن بحيث تصير زي الأصابع .
3- نرصها بصينيه مدهونه بالزبده جمب بعض وبعدين إذا خلصت الكميه كلها ندهن الوجه كامل بالزبده .
4- ندخلها فرن مسبق التسخين من تحت على درجة حراره 350 فهرنهايت وتاخذ وقت تقريباً 20 دقيقه وبعدين نشغل عليها من فوق تتحمر وأول مانطلعها نسقيها بالشيره أو جرّبو التسقيه اللي صلحتها خورآفيه ربع كوب تقريباً حليب مكثّف محلّى + ربع كوب كاراميل ثقيل وإذا ماعندك عادي مو لازم + شوي ماء ونذوبهم مع بعض ع النار مع نص ملعقه صغيره قرفه .
ونسقي الكنافه أول ماتطلع من الفرن ونزينها بالفستق المطحون وحلاتها تتقدّم دافيه 😋
و اسبحو واغرقو 😂👌🏻 و عليكم بألف عافيه ❤
