العجينة الخنفشآرية قطططططنه 😍👌🏻
أول شيء في صحن عميق أضيف كوب كامل ماء دافي + 4 م ك حليب بودرة + م ك سكر + م ك خميرة فوريه نخلطهم مع بعض ونخليهم شوي لين تتفاعل الخميرة ..
بعدين في العجانه : نضيف بيضة وحده + م ص فانيلا سائلة + اصبع زبدة 100 جرام + 3 م ك سكر .. بعدين نضيف خليط الحليب والخميره ..
وآخر شيء نضيف المقادير الجافّة :
3 أكواب وثلث طحين أبيض استخدمت ( فوم ) وينفع أي طحين متعدد الاستعمالات + نص م ص ملح + م ص بيكنج بودر .
نعجنهم بالعجانة مجرّد يندمجون خلاص نوقف ونغطيها ترتاح ساعة بعدين نشتغل عليها .. وبعد مانشكّلها على حسب الرغبة ندهنها بشوي حليب ونخليها ترتاح نص إلى ساعه إلا ربع قبل الفرن وقبل ما ندخلها الفرن ندهنها مره ثانيه ويصير الفرن مسبق التسخين على 200 درجة مئوية بالرف الوسط مشغل من تحت لمن تنتفخ وتبدأ تستوي وتتماسك أشغل المروحه من فوق وتحت توزع الحراره وتعطي لون جميل للمخبوزات 👌🏻
وأول ما تطلع من الفرن أحب أدهن الوجه بشكل خفيف بالزبدة ” اختياري ” . ** ملاحظة .. البيضة ممكن تحذفونها عادي 😚
#مخبوزات_عبير_العميرة
