| السميت التركي الصحّي بالدقيق الأسمر و دبس التمر |
يعتبر صحّي لأصحاب الدايت 😉👌🏻.
المقادير
- 3 أكواب دقيق أسمر استخدمت دقيق ( فوم )
- نص ملعقه صغيره ملح
- ربع كوب دبس تمر
- ملعقه صغيره خميره
- ثلاث ملاعق كبيره زيت زيتون
- كوب ونص ماء دافي
طريقة التحضير
في البدايه حطيت كوب طحين و نص كوب ماء وباقي المكونات وغطيتهم يرتاحون 10 دقايق وبعدين حطيت الباقي من الطحين وزودت عليه الباقي من الماء وعجنتهم مضبوط وخليت العجينه ترتاح 45 دقيقة ، وبعدين قسمتها 4 قطع وغطيتهم يرتاحون ربع ساعه وبعدين جبت صحن عميق ووسيع وحطيت فيه ملعقه من دبس التمر وخففته بالماء وبصحن ثاني حطيت سمسم محمص وبعدين نآخذ قطعه من العجينه ونمدها بالطول نبرم ونمد لين تصير طويله ثمن نبرم الجزئين على بعض ونثبتهم بحيث يصير شكلها دائري مفتوح من النص ونغمسها بالعسل المخفف وبعدين على السمسم عشان يمسك فيها ونصفهم بصينيه ونخليهم يتخمرون نص ساعه وبهالوقت نشغل الفرن على درجة 450 فهرنهايت وبعد ماتتخمر نص ساعه ندخلها الفرن ، لو عندك مروحه تشتغل من فوق وتحت بنفس الوقت شغليها أفضل ، ولمن تدخلونه للفرن مايطول عن 10 دقايق إلى ربع ساعه ويكون جاهز 😍✨ . .
وبألف عافيه على قلوبكم ♥️
#مخبوزات_عبير_العميرة
#صحي_مع_عبير_العميره
