الخبز التركي
كتير سهل تحضير هالخبزه
وطعمها طيب جربتها سنة الماضيه 👌🏻
بتاكلوها مع مربى اجبان زعتر لبنه متل ما بتحبو
المقادير
- ١ كوب ونص حليب دافي
- ١ ملعقة طعام سكر
- ١ ملعقة طعام خميره منحرك ومنغطي ٣٠ دقيقه
- مضيف نص كوب زيت وملعقه صغيره ملح
- منضيف ٥ اكواب طحين منخولين
شوي شوي ومنحرك لتتكون عجينه
منعجن شي ١٠ دقائق و منخمرها ساعتين
طريقة التحضير
قطعت العجينه نصين
هيدي العجينه بتعمل خبزتين
منفردها عورق زبده
ومنريحها شي نص ساعه
بعدين بئيدنا منعمل فيها خطوط ومنحط خليط صفار بيض مع حليب ومنرش حبة البركه وسمسم ومندخلها عالفرن يكون حامي
صينيه من تحت اخر رف حراره ٢٠٠ نار فوق وتحت لتتستوي منشيلها
رشيت زبده و خليتها ترتاح ١٠ دقائق
