الحريره 🍲 من يدين عبير العميره 😌 > كيف بالله السجع 🙄 ؟ .
بطريقتي السهله واللذيذه 😋😋
١- نحمس بصل مفروم ناعم لين يذبل بعدين نضيف له قطع الدجاج أو اللحم على حسب الرغبه .
٢- نضيف البهارات الناعمه 🙁 م ص كركم ، م ص فلفل أسود مطحون ، م ص زنجبيل بودره ، نص م ص كمون ) .
٣- نضيف طماطمتين مفرومه + ملعقتين كبيره معجون الطماطم .
بالنسبه للقطع الأحمر أنا أضفت دقوس حار أحمر .
٤- إذا تسبّكت الخلطه نضيف عليها حزمة بقدونس مفروم + نصف حزمة كزبره .
٥- ٤/٣ كوب حمص حب تنقعينه من الليل و تحطينه في هالمرحله بعد ماتضيفين البقدونس والكزبره .
بالنسبه لي استخدمت المعلب الجاهز مايحتاج يطبخ كثير . ( أهم شيء الحمص يكون بدون قشر انتبهو تحطونه بالقشر 👌🏻) .
٦- بعدين نضيف ٣ لتر ماء وبمآ إني استخدمت دجاج يكفي اخليه ربع ساعة تقريباً على نار هاديه ونضيف الملح على حسب الرغبه .
٧- وبعدين أضيف ٣ ملاعق كبيره دقيق أبيض مخلوط مع ماء أو نشاء + نصف كوب شعيريه مكسّره .
٨- نخليه يكمّل استواء راح تشوفون ع السطح زي الرغوه اذا اختفت معناته استوى الدقيق أو النشاء وصارت جاهزه 😍👌🏻
٩- آخر شيء نضيف ملعقتين كبيره كزبره مفرومه + م ك زبده أو سمنه على حسب الرغبه + عصير ليمونه ( حسب الرغبه ) .
وبسسس خلصنا مافيه أسهل منها تهببلل وخفيفه ومقاديرها مضمونه مستحيل تخرب معك 👌🏻 أنصح المبتدئات بالزواج اللي مايعرفون يصلحون شوربة الشوفان يكشخون فيها لين يتعلمون الشوفان 😉😎
وجعلها صحّه وعآفيه على قلوبكم ♥️
