أحدث الوصفاتالحلويات

الترآميسو الايطآلي

58410434 141808630206708 1663259851340469569 n

| الترآميسو الايطآلي 🇮🇹 |
أول شيء إذا تبين تصلحينه بالاسبريسو راح تذوقينه على أصولته ولذّته 😋👌🏻

أول شيء نحط بزبدية زجاج تتحمل الحراره :
أربع صفار بيض مع رشّة ملح ونص كوب سكر ونحطهم على حمام مائي ونستمر بالخلط إلى 8 دقايق بالكثير 10 والنار متوسطه بس ضروري خلط مستمر لين يصير لونه فاتح وكريمي .
ثم أشيله من على النار وأضيف م ص فانيلا سائلة ثم 500 جرام من جبنة الماسكربوني إذا ماحصلتيها أو ماعندك استخدمي ” فلاديفيا ”
وأخلطه مع خليط البيض لين يتجانس ” وأضيف معه شوي اسبريسو مو ضروري بس أحب أضيف منه كمية بسيطه “..
الحين بوعاء ثاني أضيف كوب كريمة خفق بااااارد
وأخفقه لين ينتفش وأقلّبه مع خليط البيض والجبن وبكذا يكون الخليط الأبيض جاهز .. الحين نجهّز الصينيه + بسكوت التراميسو اللي استخدمته أخذته من سبار + كوب ونص إلى كوبين قهوة اسبريسو مع ملعقة كبيرة سكر ونغمس الاصابع بسرعه ونرتبها بالصينيه ثم نضيف الطبقه البيضاء وهكذا نسوي طبقات للنهاية ..
آخر شيء نضيف الكريمه بالقمع عشان الشّكل أجمل يكون وبس ندخله الثلاجه أقل شيء 8 ساعات وعند التقديم نرش عليه كاكاو بودره . .
.
واستمتعو باللذاذه .. عليكم بالعافيه 😋👌🏻

عبير العميرة

طبخآتي ماهي إلا نتاج حبّي لعآئلتي💛 و كل أملي أن تصل لذآئقتكم الرفيعَه .' Snap👻: abeer_alamerah للإعلانات: مشرفة الحساب واتس فقط : 0556068212 📍الرياض
زر الذهاب إلى الأعلى