🇹🇷البقلاوه التركية اللذيذه🇹🇷
نسوي الشيره:
لكل كوب ماي كوبين سكر
وشريحه ليمون
و شوي زعفران
نجهزها و نخليها تبرد
نشغل الفرن على حراره 350 فهرنهايت
و نبدا نجهز
الحشوه:
كاس فستق مطحون خشن و شوي عسل
و ثلاث ملاعق زبده ذايبه جربت احط لون اخضر بس النتيجه ما اعجبتني نصيحتي لا تحطون او قطره وحده تكفي نطلع عجينه القلاش و نغطيها بفوطه مبلوله
و نجهز الصحن اللي بنسوي فيه البقلاوه
و اصبع زبده ذايبه نبدا ندهن الصحن بزبده و نحط طبقه قلاش و ندهنها كويس بالزبده و نكررها لين يصير عندنا ست طبقات .. نحط الحشوه و نخلي الاطراف بدون حشوه عشان تتقفل كويس و نكمل نحط قلاش تقريبا ست او سبع طبقات
بينهم زبده و الطبقه الاخيره قصيها
على حجم الصحن عشان يصير شكلها طبقه وحده مرتبه زي ما سويت بالڤيديو قصيها زي ما تحبين و على الفرن تاخذ تقريبا ثلث ساعه وانتبهي لها لا تحترق و حمريها من فوق اذا تحتاج ول ما تطلع من الفرن وهي حاره صبي عليها الشيره و تكون بحراره الغرفه خليها شوي تتماسك وقدميها زي ماهي او مع ايسكريم ڤانيليا
@hanoufs_kitchen
