اكسترااااا ميني مرآصيع .. وناس تقول : مصآبيب .. تعوّدنا نسمّيها مرآصيع وأحب اسمّيها بالإسم اللي تعوّدت عليه ..
المهم : الوصفه مضبوطه وناجحه وتنفع حتى للمبتدئات بالطبخ رآح تنجح معهم 👌🏻 :: بالخلاط ::
كوبين طحين أسمر .
م ص خميره .
ملعقتين ك حليب بودره .
ملعقة ك سكر أوأ كثر شوي حسب الرغبه .
نص م ص ملح .
بعدين حطيت تقريباً كوبين ماء ممكن تزيد أو تنقص على حسب نوع الطحين و تخلط كلها مع بعض لين يصير عندك عجينه سآيله ثقيله شوي بعدين تجلسين تقريباً ١٠دقايق أو أقل وتخبز على الصاج . ** اللي تحب لونها يصير أصفر تضيف كركم .
** آخر شيء بعد ماتخلصين منها تحطين عليها زبده وعسل تذوبينهم ع النار مع بعض اذا بدت تغلي تصبّينها ع المراصيع وتقدّمينها دآفيه
ولا ألذ منها 😋👌🏻
وإذا تحبّين نكهات مثل القرفه والهيل
أضيفيهم مع الزبده والعسل وبس والله 😘
* ملاحظة مهمّه :
اذا حابّه تضاعفين المقدار .. كل المقادير تتضاعف للدّبل إلا الخميرة ملعقه صغيره ..
. و عسآها بألف عآفيه على قلوبكم حبايبي 💋
