أم علي

وصفة أم علي
.
بجدر صغير تحطون قوطي حليب و نص قوطي قيمر صغير و ثلثين قفشة اكل ناريل و قفشتين اكل متروسين شَكَر و قفشة اكل حليب مكثف مُحَلّى تالي عالنار لما يصير حار .
تقصون كرواسونتين نفس ما انا قصيتهم او تفللونهم بالإيد عادي و ترصونهم بماعون يدش الفرن و فوقهم شوية ماي ورد تقريبا قفشة چاي تتوزع على الكرواسون و فوقه خليط الحليب تالي ترشون دارسين و تنثرون شرايح لوز يفضل يتحمر عالمقلا قبل ما ينّثر و فستق و ناريل و حليب مكثف محلى مجرب خطوط عشوائية مو لازم بس اذا عندكم زايد لا تقطونه حطوه .
#قوطي_يعني_علبة #قيمر_يعني_قشطة #قفشة_اكل_تعادل_١٥_مل #ناريل_يعني_جوز_الهند #شَكَر_يعني_سُكَّر #كرواسونتين_يعني_٢عدد_كرواسون #قفشة_چاي_تعادل_٥_مل #دارسين_يعني_قرفة #تنثرون_يعني_تنشرون_بالإلقاء_باليد #والأهم_فستق_يعني_بستاشيو