🍖وصفتنا اليوم موزات غنم بالفرن مع الصوص لذيذه وذاااايبه
المقادير
- ٢ او ٣ موزات غنم
- ملح وفلفل اسود
- ١-بصلة مقطعه
- ٢-جزر مقطع
- ٢-عود كرفس مقطع
- ٤-فصوص ثوم
- ١-ملعقه كبيره دقيق
- ٣-ملاعق كبيره معجون طماطم
- ورقتين غار
- زعتر بري
- كوبين مرقة لحم
- ١-ملعقه كبيره نشا
- ١-ملعقه كبيره خردل
طريقة التحضير
ننشف قطع اللحم بمناديل ونتبلها بالملح والفلفل الاسود
في مقلاة او قدر على النار نسخن ملعقة زيت ونحمر الموزات من جميع الجهات الين تتحمر شوي ونشيلها من المقلاة
في نفس المقلاة او القدر نحمر البصل الثوم والكرفس والجزر الين تذبل نضيف معجون الطماطم ونقلب وبعد كذا نضيف مرق اللحم والدقيق ونقلب الين يذوب الدقيق ونضيف الزعتر البري وورق الغار
ونقلب ونتركة ع النار دقيقتين
نرجع الموزات في المقلاة القدر ونغطيه وندخله الفرن يكون ساخن ١٧٠ درجة لمدة ٣ ساعات
((اذا ماعندكم القدر اللي يدخل الفرن تقدرو تحطو الخضار واللحم بصينيه وتغطوها بقصدير ))
نخرج المقلاة من الفرن ونشيل اللحمه نحطها في صحن
ونصفي المرقه في مقلاة على النار ونضيف الخردل نذوب النشا في قليل من الماء ونضيفه على المرقه ونقلب الين تثقل
نقدم الموزات في صحن مع البطاطس المهروسه ونسكب فوقها الصوص وبالعاااااافيه 👌🏻
تقدرو تطبخوها بقدر الضغط اذا مستعجلين 👏🏼
