مطبق الدجاج مع البطاطس
![مطبق الدجاج مع البطاطس 1 278400666 973381953313570 3723460515932871254 n](http://i0.wp.com/cookinsta.com/wp-content/uploads/2022/04/278400666_973381953313570_3723460515932871254_n.jpg?w=1220&ssl=1)
| مطبق الدجاج مع البطاطس |
1- بتاوه ساخنه أضيف قطع الدجاج بدون تحريك دقيقتين على كل وجه إلى ثلاث دقائق ..
2- بتاوه ثانيه أضيف قطعة زبده مع زيت زيتون ثم أحمس قطع البطاطس وأضيف لها بابريكا و رشة اوريغانو و وبهارات ايطاليه ويصير معي فنجال مويه كل مانشفت أضفت شوي لين يستوي ثم اهرسه بالاداة هرس عشوائي و أضيف الدجاج وأضيف كريمة طبخ وملح وأخليهم يتسبكون مع بعض ثم آخر شيء فلفل رومي أحمر مفروم ناعم مع “بقدونس وكزبره”
وأطفي النار والحشوه فيها زي الصوص مو ناشفه ،
“” ممكن تضيفون أي نوع جبن إذا تحبّون “”
الحين الحشوه جاهزه 👍🏻 جبت عجينه السمبوسه و قطعتها من النص على شكل + وأحط من الحشوه بالنص وأقفل عليها بدون ماألزقها بأي شيء من ماء أو طحين .”شوفو الفيديو ”
وأرتّبهم على صينيه فيها ورق زبده و أدخلهم لفرن ساخن جداً من فوق وتحت مع المزوحه ..
بس تاخذ لون على الأطراف أضيف زيت الزيتون شيء بسيط عليهم من فوق وأرجعهم للفرن ياخذون لون تحمير حلو 😍
* ملاحظه :: ممكن تسوونها على الصاج بس أنا أدوّر الحركه الأريح وأتبعها 😅 نفس الحركه أسويها مع السمبوسه تطع تهبل 😋