أحدث الوصفاتالساندوتشات والمعجنات

فطيرة رول

فطيرة رول

النهاردة هنعمل فطيرة رول خطيرة و هنجيب كل مكوناتها من على (طلبات مارت) … يلا بينا

المقادير

  • كيلو دقيق
  • نص لتر مياه
  • معلقة كبيرة ملح

طريقة التحضير

هنحط الملح على المياه و نقلبه، بعد كدة هنجيب الدقيق و نحطه فى العجان و نحط عليه المياه بالملح و نسيبه يعجن لمدة ٥ دقايق كدة، لو مفيش عجان نعجن بإيدنا لمدة ١٠ دقايق مثلاً.

هنقسم العجينة كور و نحط عليهم زيت نغلفهم بالزيت كدة و نحطهم جنب بعض فى طبق و نغطيهم و نسيبهم يرتاحوا ساعة.

ندهن السطح اللى هنشتغل عليه بزيت و نحط العجينة و نضغط عليها بإيدنا بعد كدة نفرد كويس بالنشابة و نبدأ نشدها بإيدنا لحد ما تبقى رفيعة جداً نبدأ نحط الحشو بقى.

حط الحشو اللى على مزاجك انا حطيت ستريبس و سوسيس و بطاطس و موتزاريلا و ليلة كبيرة اوى.

هنقفل الفطيرة رول و على طاسة هنشوحها من كل الجناب لحد ما تاخد اللون الذهبى الحلو ده.

هنقطعها بقى و نستمتع بطعم خطير جداً 😍 جربوها و قولوا لنا رأيكم 😍😍

المصدر: @muhammedhazem

قيم هذه الوصفة

Mohammed Hazem

- TikTok Hero Award 2020🥇(Best food content 2020 middle east) - Cook/food blogger ‎- مرجع المطاعم - Lotus king‎- #بشاميل_الخميس - Burgers Addict

اترك تعليقاً

زر الذهاب إلى الأعلى