فطائر مقليه بحشوه هنديه
![فطائر مقليه بحشوه هنديه 1 191115697 222638809362472 6293906379477847147 n](https://i0.wp.com/cookinsta.com/wp-content/uploads/2021/05/191115697_222638809362472_6293906379477847147_n.jpg?w=1220&ssl=1)
فطائر مقليه بحشوه هنديه
لذيذه وغير عن الحشوات المعتاده
نصف كيلو صدور دجاج مقطعه مكعبات صغيره اكشنها بزبده مع بصل مكعبات صغيره واضيف لها ملعقتين معجون طماطم وشوي ملح واتركها عشر دقايق تقريباً على نار هادئه بعدين احط ملعقه صغيره بهارات صفراء وملعقه صغيره مسحوق الكاري وملعقه بديل الماجي او مكعب ماجي وملعقة طعام من معجون الطبخ الهندي من ماجي او من معجون البتر تشيكن وثلاث ملاعق كشاب واخليه ١٠ دقايق يتسبك وبعدين اضيف قطع صغيره فلفل اخضر وملعقه طعام ممسوحه مسحوق حليب جوز الهند وكريمة طبخ ما اكثر عشان ماتصير الحشوه رخوه مره واتركها خمس دقايق على النار واطفي عنها واضيف بقدونس مفروم حسب الرغبه
عجينة الفطائر :
- كوبين دقيق
- ٢ ملعقة طعام حليب بودره
- نصف ملعقة طعام باكينج باودر
- ملعقة شاي مليانه خميره
- من ١/٢ الى ٣/٤ كوب ماء
- بيضه
- ملح
طريقة التحضير
نذوب الخميره بالماء
نخلط المواد الجافه مع الدقيق
نضيف البيضه والماء مع الخميره ونعجن لين تصير عندنا عجينه وسط ماتكون رخوه ولاقاسيه بس الافضل تكون اقسى من عجينة الفطائر ونتركها ساعه تختمر
نقطعها ونشكلها على شكل بيضاوي مثل الصامولي ويكون الحجم اصغر من اللي تبينه يكون بعد القلي
ونتركها ترتاح عشر دقايق ونقليها بزيت حرارته وسط ونقلبها لين تتحمر وتستوي من الداخل ونحطها على ورق او مناديل ونفتحها مع النص من فوق ونحشيها بالدجاج ونزينها بالرانش
الفطائر ماتشيل زيت ابد ما كأنها مقليه لان عجينتها مافيها زيت والخميره قليله ولذيذه مره الذ من الخبز وممكن تحشونها اي حشوه تبونها
@bnt_alanoud_