عجينة الفطاير تعجن المقادير ونطول نعجن سر نجاح العجينه هو انك تطولين تعجنيينها يعني مو تخلينها تختلط المقادير وتوقفين لازم تطولين في العجن بعد كذا تدهنينها بالزيت وخليها تتخمر لمدة ساعه إلا ربع تقريبا او أكثر حسب حرارة الجو
هذه عجينتي المعتمدة عندي من فتره طويله لان مقاديرها متوفرة وأنا مرتاحه لها
المقادير
- ٣ كاسات دقيق ممكن كويتي وممكن فوم وممكن خليط من الاثنين حسب المتوفر عندي
- ٣ ملاعق حليب بودره
- ١ ملعقه كبيره خميره
- ٢ملعقه كبيره سكر
- ٣ ملاعق كبيره زيت
- ١ ملعقه صغيره ملح
- ماء دافئ حوالي كوب وثلث يزيد او ينقص حسب نوع الدقيق
– لدهن الفطاير :
صفار بيض وحليب
– الحشوة :
لبنه
-الخلطه :
رمان وجوز وزيتون وبقدونس ونعناع وبهارات وزيت زيتون ودبس رمان ورشة ملح خفيفه الكميات حسب الذوق
بعد ما تستوي الفطاير نضيف مكونات الخلطه على الوجه وتقدم بالعافيه
