أحدث الوصفاتالاطباق الرئيسية

طاجن بامية بالموزة

طاجن بامية بالموزة

أقوى طاجن بامية بالموزة، البامية من الحاجات اللى كان ماليش فيها اوى بس لما بتتعمل صح بتبقى خطيرة، تعالى اوريك بقى طريقتى 😍😍

المقادير

  • موزة ضانى
  • معلقة كبيرة سمنة
  • بصلتين مفرومين
  • معلقة كبيرة ثوم مفروم
  • كيلو بامية
  • ملح، فلفل، بهارات، جوزة الطيب
  • مرقة خضار فورية من (كنور)
  • كوبايتين طماطم معصورة
  • معلقتين صلصة

طريقة التحضير

هنشوح الموزة الأول فى السمنة لحد ما تاخد لون بعد كدة نرفعها و ننزل مكانها بالبصل و بعده الثوم و نقلب كويس و نرجع الموزة تانى و ننزل عليها بمياه مغلية، المياه يا دوب تبقى تحت الموزة بشوية .. نسيبها تغلى ٥ دقايق كدة بعد كدة نوطى النار و نغطى و نسيب الموزة تستوى على الهادى.

لما الموزة تستوى خالص نرفعها و نحطها فى الطاجن و ننزل بالطماطم و الصلصة و التوابل و بعد كدة ننزل بالبامية و اخيراً مرقة الخضار من كنور .. اهم حاجة البامية منقلبهاش كتير علشان متتهريش.

بعد كدة نقلب البامية فى الطاجن على الموزة و ندخلها الفرن و بعدها الشواية كدة تاخد وش و نطلع و نقدم اقوى طاجن بامية 😍🔥🔥

جربوا الوصفة ممكن مع اى قطعية لحمة تحبوها .. جربوها و قولوا لنا رأيكم 😍

المصدر: @muhammedhazem

قيم هذه الوصفة

Mohammed Hazem

- TikTok Hero Award 2020🥇(Best food content 2020 middle east) - Cook/food blogger ‎- مرجع المطاعم - Lotus king‎- #بشاميل_الخميس - Burgers Addict

اترك تعليقاً

زر الذهاب إلى الأعلى