النان
نوع خبزك المفضل ….. ؟!
معروف النان بجميع انواعه كل واحد يقول الزين عندي 🙈❤️ لكن من افضلها روغني نان و ياسلام على وصفتنا اليوم ايشي لذذذذذذيذ و فاخر و بخطوات مرتبه سهله .
المقادير
- ١ كيلو طحين نخلط مع ١ و ١/٢ م ص ملح و ربع ١/٤ م ص بيكربونات الصوديوم
- ٢٥٠ مل حليب دافي كامل الدسم نخلط معه ٢ م ك خميره فورية و سكر ١ م ك ( نتركه ١٠ دقايق على جنب لين ينتفخ )
- بيضه
- زبادي ٢ م ك
- سمن + زيت ١/٢ كوب
طريقة التحضير
في عجانه نضيف الطحين و عليها بالتدريج نصب ما ذكر اعلاه ثم نصب ٣/٤ كوب ماي دافي بالتدريج لين يشكل عجين شبه طري ، نغطي عليه ساعه عشان يتخمر
. بعد ساعه نشكله على ٣ كور و نفرد و نعمل الطقات 🙈 ثم على الطاوه نشغل النار لين يتحمر من تحت ثم ندخله الفرن على نار عاليه عشان يتحمر من فوف كمان و بالف عافيه
.لا تنسون تدهنون ب زبده سمسم و كزبره قبل ما تدخلونه الفرن
