أحدث الوصفاتالاطباق الرئيسية

المكرونة الوايت صوص بالفراخ

المكرونة الوايت صوص بالفراخ

استمراراً لسلسلة الوصفات القوية .. عارفين المكرونة الوايت صوص بالفراخ اللى بتحبوها .. النهاردة هنعملها لازانيا … من غير كلام كتير تعالى احكيلك.

المقادير

  • نص كيلو فراخ متقطعة
  • ربع كيلو مشروم
  • زبدة
  • ٥٠٠ مل كريمة و ممكن نحتاج اكتر او فى اسوء الأحوال نزود لبن
  • مرقة الدجاج الفورية الجديدة من (كنور)
  • ملح، فلفل، زعتر
  • جبنة موتزاريلا
  • جبنة بارميجان
  • لازانيا

طريقة التحضير

هنشوح الفراخ و المشروم و ننزل عليهم بالكريمة و التوابل و مرقة الدجاج من كنور و نقلب و نسيب الكريمة لحد ما تتقل شوية.

بعد كدة هنرص صينية اللازانيا بالترتيب اللى فى الڤيديو ده.

نبقى بقى شوية من الكريمة و دول نحط عليهم شوية دقيق متدوبين فى لبن علشان نتقل الطبقة اللى هتتحط على الوش.

بعد كدة نحط على الوش الطبقة التقيلة و نحط الجبن و شوية زعتر و نغطيها بفويل و ندخلها الفرن على ١٥٠ لمدة ساعة و ربع و بعد الوقت ما يعدى نحتبر بإننا نشيل حتة من الفويل و ندب سكينة رفيعة و نشوف هتعدى بسهولة و لا لا و بكدة نتأكد إنها استوت.

كدة هتاكلوا احلى اختراع التشيكن الفريدو لازانيا .. جربوها و قولوا لنا رأيكم 😍

المصدر: @muhammedhazem

5/5 - (2 صوتين)

Mohammed Hazem

- TikTok Hero Award 2020🥇(Best food content 2020 middle east) - Cook/food blogger ‎- مرجع المطاعم - Lotus king‎- #بشاميل_الخميس - Burgers Addict

اترك تعليقاً

زر الذهاب إلى الأعلى