《الكعك المحلى بالحليب》
هذا البقصم او الكعك او حتى البسكوت .. جدا لذيذ وسهل وفرصة خلوا اولادكم يشاركون معاكم بتشكيل الكعك .. المشاركة متعه 🤗
#لذيذة_لذاذة_اللذوذين_كلهم😋👌
المقادير
- ٣ونص كوب طحين ابيض
- ١ و ربع كوب طحين فرخا (سميد ناعم جدا)
- ثلاث ارباع كوب نشا
- ٢ حبة بيض
- ١ كوب سكر
- ١ كوب حليب سائل
- ١ كوب زيت نباتي
- ١ م.ص باكنغ باودر
- ١ م.ص محلب
- ربع م.ص ملح
◾للتغطية
- بيضة ونص كوب حليب مخفوقين
- سمسم وحبة البركه
#كعك_كلحه #حلويات_كلحه
طريقة التحضير
🔹️بخلاط الكأس نخلط البيض والزيت والحليب والسكر ترررررررر حوالي دقيقة لما يذوب السكر ويتجانس الخليط
🔹️بالمكينه .. ونركب مضرب التقليب (وممكن باليد طبعا) نضيف المقادير الجافه (طحين .. سميد .. باكتغ باودر .. محلب .. نشا .. ملح) ونخلطهم شوي جق جق جق
🔹️الحين نضيف المقادير السائله فوق الجافه ونخلط ونعجن لحين الحصول على عجينة (ملساء وتلزق شوي)
🔹️حطوها بطبق عميق وغطوها وخلوها ترتاح ربع الى نص ساعه
🔹️نطلعها ونبدأ بتشكيلها على كيفنا ونصفها بصينية الفرن وندخلها فرن محمي مسبقا حرارة ١٧٠
🔹️الصينية تكون تحت اسفل طبقه .. وبعد مرور عشر دقايق نشوفها اذا بدأ تشقر من تحت .. بس تمام .. ارفع الصينية لفوق الوسط بس مو اعلى شي
🔹️واشغل الفرن من فوق واما من تحت اقصر الى ١٥٠ درجه واخليها لمن تحمر فوق وتحت وبالعافية 😊👌🏻
#٢٠١٨_كلحه
