مندي
اليوم الرز نثري نثري للناس اللي ودها تتعلم والناس اللي مايعجبها شي اصلاً المهم يقلل من المنتج بعد شوفو
راح نحتاج مايقارب ٢ كيلو لحم 🥩
بصل/ فلفل حار بارد / ثوم
البهارات الحب هيل / دارسين/ مسمار/فلفل
البهارات الناعمة كمون/ فلفل اسود / بهارات مشكلة اللي هي بهارات سفرة النوخذة
تتبيلة اللحم / لون الزعفران/ كركم/ ليمون 🍋
ببيركا
طريقة التحضير
نتبل اللحم على الاقل ٣٠ دقيقة
١- نشغل القدر نخليه حار لزوم تكشين الخضروات للرز
٢- تأكدنا ان القدر ساخن ننزل خضروات الحمسة
٣- نضيف البهارات الخشنه والناعمة
٤- نمرق القدر بالماي ونملحه
٥- نجيب اللحم ونصفه على الشبك وقطعه منه نخليها مع الماي تاخذ الطعم
٦-نقفل عليه ونضغط لحم ٢٠ دقيقة
٧- بعد انتهاء التوقيت اللحم جاهز وذايب
الامر راجع لكم تبون تحمرونه بالفرن حمروه على طول تاكلونه بعد براحتكم
الرز ومادراك مالرز وزنية الرز وهي المشكله اللي يعاني منها الكثير
١- لازم الرز يكون منقع ٣٠ دقيقة اقل شي
٢- نكب الرز ولازم الرز يكون بارز يعني المويه حدود سانتي ١ فقط
٣- نضغط رز ومانقفل القدر نحرك الرز علشان الماي يتوزع بين الرز
٤- اذا ارتفع الرز نحط الحشوة مع الفلفل
٥- نقفل عليه وقبل انتهاء توقيت الرز ب ٣ دقايق
نفتح الصمام نفرغ البخار علشان ينشف الرز وتطلع الحبه نثريه بأذن الله
