كيف نسوي السمنه بالبيت
أهم ملاحظة بالوصفة
الزبدة كل ماكانت بلدي وذات جودة عالية
اذاً راح تتحصل على احلى وافضل سمن
او السمن الغير مدخن
ركزو الغير مدخن
المقادير والطريقة:
زبدة وحسب الزبدة اللي انتم تفضلون استخدامها في اكلكم
تمر / هيل ويكون جديد وتوه مطحًن
طريقة جداً سهلة وفي البيت
ولا تكلفنا شي بسييييطة 😁
نجيب القدر وننزل الزبدة فيه ثم نولع النار
درجة الحراره يفضل تكون هادية لو علينا النار
راح تحترف ويصير في طعمها مر
أول ماتبين الرغوة نبتدي نحركها
ثم نضيف الهيل ونحركة شوي
أخر شي التمر منزوع النوى
نتركه يطبخ ١٠ دقايق على نار هادية
لو زدنا النار وطولنا عليها راح تتبخر وتخرب
نطفي عليها ونتركها شوي تبرد
ونحطها بالعلبه المناسبة
اول يوم راح تشوفون لونها غامق شوي
من ثاني يوم راح تلاحظون تغير لونها الى الاصفر الذهبي
افضل استخدام للسمنه بهذي الطريقة
الكبسات / الهريس /الجريش والتنكية في الطبخ
