سلطة الكينوا 🍃
الكينوا مالها طعم تشبه البرغل وفوائدها عجيبه 👍🏻
( الكينوا كل كوب يحتاج كوبين ماء ،
والأفضل نغسله زين بماء اقرب للبارد عشان يروح
كل طعم المراره وبعدين نطبخه يحتاج ١٠ دقايق على نار وسط بعدين على طول اغسلها بماء بارد وأخليها بمصفاة لين تنزل مويتها كلها )
الحين كل شغلي على حسب الرغبة :
أجيب زبديه كبيره وأكون مجهزه الخضروات ومقطعتها عشان أخلطها كلها مع بعض بنفس وقت التقديم ..
أضيف عصير ليمونه + شوي دبس رمان + شوي من كريمة البالسميك + زيت زيتون واللي يحب يضيف ” فص ثوم مهروس ” وأخلطهم مع بعض وأضيف :
خس ، بقدونس ، فلفل رومي ملون ، بصل أحمر مقطع شرائح رفيعه ، ثم أضيف الكينوا على حسب كمية الخضروات الموجوده عندي والباقي احتفظ فيه بالثلاجه ، وآخر شيء افوكادو مقطعه مكعبات وأضيف ملح وخلصنا 😍🍃
و بالعافيه على قلبكم 🤍
