بلش موسم الرمان الحامض
هيك منعمل دبس الرمان من رمان ضيعتنا بسم الله ماشاء الله من ايدين الوالده الله يحفظها
.كتير بتعب و كتير بدو شغل
بتعمل هالدبس ولكل واحد فينا قنينه صغيره اد ما بتتعب فيهن امي بحط نقطه نقطه منو بخبي القنينه بمكان سري بالمطبخ 😎 . .
شو رايك ام عزيز @orientalkitchen .
ماشاءالله ناطرين تنزلي تحضري اشهى دبس رمان بلدي عالاصول .
الطريقه .
منقطفو .
منغسل الرمان من برا .
امي عملت ٥٥ كيلو رمان.
عملو ٦ ليتر دبس رمان صافي .
منفرط الرمان و منحطو بالخلاط بعدين منجيب حطه بيضه نضيفه او منديل او شاش
منحط العصير و منسكر المنديل او الشاش و منعصر لنفصل العصير عن بزر الرمان .
منحط ملعة ملح كبيره الكميه هي ٢٠ كيلو
منحطن باللكن ( يلي عم نغلي في ) الواضح بالفيديو قبل ما نولع موقدة الحطب لازم نفرك كعب اللكن بالرماد مع شوية ماء عشان لا يخرب ويشقق من الغلي و نحافظ عليي اي شي بدنا نحطو عالحطب منعمل الكعب بهالشكل بتخلطو شوية رماد و ماء و بتفركو الكعب و .بتخلو ينشف .
و منحطن عالحطب بتاخد ٤ ساعات غلي تقريبا وكل ما يتكون رغوه عالوج منشيلها .
منخليهن يغلو لتتبخر كل مية العصير ( عصير الرمان ) . .
بتلاحظو انو العصير صار مستوا اقل من ربع اللكن ( اللكن هو يلي عم نغلي في ) .
بيتكون عنا دبس الرمان الرائع
التجاري بحطولو نشا عشان يشد معن بسرعه و ما ينطرو ليسير مستوى العصير للربع . .
هيك بيحصلو على كميات كبيره من دبس الرمان ( المغشوش) . عشان يكسبو كميه اكبر بحطو نشت
