طري ولذيذ ماشاء الله
المقادير
- كوب ونص ماء
- كوب حليب سايل
- ملعقتين طعام زيت
- ١ ملعقة طعام خميره فوريه
- ١ ملعقة طعام سكر
- و ملعقة صغيرة ملح
- ٤ اكواب دقيق
طريقة التحضير
بالعجانه نخلط المقادير السايله ثم نضيف الدقيق و نعجنه زين
ندهن العجينه بشوي زيت و نغطيها بنايلون و نتركها تتخمر ساعه او لحد ما يتضاعف حجمها
بعدها نقسمها الى ٨ كور .. ناخذ كره و نفردها باليد على سطح مدهون بالزيت، لا تفردونها نحيفه! خلوها سميكه
ثم بالاصابع نشكل حفر مرتبه ..
نكون مسخنين الخبازه و نحط الخبزه .. اخترت الحراره ١٨٠ و تركتها لحد ماتحمرت من فوق و تحت
لما تطلع وهي حاره نحطها داخل فوطه، عشان تحافظ على ليونتها ما تنشف و بالعافيه ❤️
