حشوة للسمبوسة لذيذه غير معتاده 😍
6 حبات باذنجان وسط مقطعة مكعبات و مقلية + حبة فلفل رومي أحمر حجم وسط مع ٣ حبات فلفل حار اللي يجي طويل ما يكون حار مره أشويهم بالفرن ثم أفرمهم بالسكين فرم ناعم .
+ جبنة فيتا استخدمت نوعيه لذيذه ملوحتها معقوله من اللي يبيعون بالوزن قطعت قطعه وسط أضفت عليها شوي زيت زيتون + نعناع مفروم و رشّة بهارات ايطاليه مع فلفل مجروش
ثم أضفت جوز البيكان مجروش الكمّية على حسب رغبتكم مع شوي دبس رمان و تصير عندك حشوه و لا ألذ 😋
كل المكونات أضيفها على بعضها وهي بارده مو حارّه و أقلبها بالشوكة لين تمتزج .
أجيب صينية فرن قصيرة الحافّه أدهنها بشوي زيت زيتون وأصف السمبوسه ثم أدهن الوجه بعد و أدخلها لفرن مسبق التسخين من فوق وتحت على درجة 180 ْ= 350 فهرنهايت .. اخذت معي تقريباً 10 دقايق ..
• الرقائق : عجينة غوار الأصلية .
• الحشوة تتفرزن بالرّاحه 😴
أي استفسار أو شيء ما كتبته قولو لي 🤍✨
