النهاردة هنعمل تشيكن برجر بس إيه …. محشى جبنة 😍😍 يلا بينا …
المقادير
- كيلو صدور فراخ مخلية
- ملح، فلفل، بابريكا، زعتر، بودرة بصل، بودرة ثوم
طريقة التحضير
هنحط الفراخ فى الخلاط مع التوابل و نضربها بعد كدة فورمة مدورة و نشكل فيها البرجر، هنضغط بكوباية علشان نعمل فراغ و نحط جبنة شيدر أحمر و نقفلها و بعد كدة ندخلهم الفريزر ساعتين.
هنطلع من الفريزر نحط فى بيض بعد كدة دقيق بعد كدة بيض بعد كده بقسماط
نبدأ نحضر السندوتش بتاعنا نحمص العيش الأول، بعد كدة نحط من تحت مايونيز و خس و طماطم و ننزل عليهم بالبرجر و عليه تركى و نقفل السندوتش، و نعيش بقى مع أحلى تشيكن برجر محشى جبنة.. جربوه و قولوا لى رأيكم 😍
