وصفتنا اليوم برجر الدجاج بالرمان هو بالعاده يتسوى باللحم بس حبيت اجرب بالدجاج والطعم طلع شي رهيييييييب من الاخر مكس لذيذ بين الحالي والمالح 🤤♥️
المقادير
- نص كيلو صدور دجاج طريه
- خبز برجر
- جبن شرايح
- رمان
- جرجير
وللتتبيله:
- ٢-ملاعق كبيره دبس رمان
- ربع كوب زيت زيتون
- ربع كوب عصير ليمون
- نص ملعقه صغيره فلفل اسود
- نص ملعقه صغيره ثوم بودره
- ملح حسب الحاجه
للصوص:
- ربع كوب رمان
- ربع كوب مايونيز
- ملعقتين كبيره خردل
- ملعقتين كبيره كاتشب
- ملعقه كبيره دبس رمان (نخلطها كلها مع بعض )
طريقة التحضير
نقطع صدور الدجاج بالعرض وندقه شويه الين يصير رفيع ونحطه في زبديه ونحط عليه مقادير التتبيله ونتركة يتبل ربع ساعه وبعدين في طلوع ع النار نحط زيت زيتون ونحط الدجاج ونخليه الين يستوي ويتحمر نحط فوقه شريحه جبن ونتركها الين تذوب شويه .
ونجهز الصوص نحط كل مقاديره في زبديه ونخلط وناخذ خبز البرجر نحمصه شويه ونحط فوقه الصوص وبعدين جرجير وبعدين الدجاج وبعدين دبس رمان ورمان ونغطيه ونقدمه وبالعاااااافيه 😋
