الملفوف المحشي

مساء الحير عليكم جميعا ❤️
هذا الفيديو الاول بطريقتي بعمل الملفوف
الفيديو واضح
نفس الطريقة تقصونها تالي تسلقونها بماي وكمون
ليش الكمون علشان يوخر ريحة الملفوف .
وما تتفخ البطن .
في ناس يثلجونها لكن انا ما افضل هالشي
هذا شغل الكسلانين انا اسميه واي كلام 😂😂
لان ان ثلجتوها الريحه مو حلوه تصير هذا اولا
ثانيا يعتبر كانه مطبوخ
ثالثا ما يكون طيب ولذيذ نفس طريقة السلق .
طبعا هذا رايي وانتو كيفكم 😊
تالي الحشوه رز مصري وطماط بصل ثوم شوي كزبرا بقدونس شبينت ملح فلفل اخضر حار حسب اللي يحب
زيت زيتون .
احنا ما نحب نحط لحم مفروم عالخلطه انتو كيفكم .
حطيت بقاع الجدر شرايح بطاط
لحم سلقته سلقه وحده فقط دقايق يعني
وفصوص ثوم .
طريقة اللف واضحه ما تسكر الاطراف فقط
تضغطون علهم .
وشوفو اشحلوهم مدلعين اخر دلع واللف كله حجم واحد ما شاء الله .
وما اسمح ولا احلل باخذ الفيديو بدون استئذان .
—- وكل الشكر لكم متابعيني على تواصلكم الراقي والجميل معاي
ولا تنسوني من دعوة طيبة منكم .
الفيديو الثاني بيكون الشكل النهائي وطريقة طبخي والصوص للملفوف . #ملفوف_نادية