اي دولة اسوي هالطريقة ؟؟
وعلى هالثومية نحتاج طبخة معاها بكرة ان شاء الله احلى مسحب دجاج اشرايكم تبون والا ما تبون 😍😍😍
المقادير
- بطاط مسلوق اربع حبات.
- خل ابيض ربع كوب لا تكثرون .
- شوي عصير ليمون.
- ملح فلفل اسود اللي يبي .
- زيت عادي مو زيت زيتون .ربع كوب.
- ملعقتين روب او ثلاث.
- اربع فصوص ثوم او حسب اللي تحبون.
طريقة التحضير
بالبلندر حطيت الثوم الروب شوي خل عصير ليمون شوي ملح وطحنتهم.
بعدها البطاط والزيت شوي شوي تحطونه.
باقي الخل واذا تبون ليمون حطو شوي لازم طعم الخل يكون طاغي اكثر من الليمون.
حطيت قطعة ثلج.
طبقوها وايد لذيذة ويصير نفس الطريقة مع بياض البيض بدل البطاط كيفكم .
وبالعافيه.
#وصفة_الثومية_بالبطاط_نادية_كوك
