أحدث الوصفاتالاطباق الرئيسية

Paris Brest

هذي اول وصفة من السلسلة الجديدة.
ايمها paris Brest باريس بريست. اكلة فرنسية خترعوها بسنة 1910 حتى يحتفلون بمناسبة سباق البايسكلات 🚴🏻‍♀️. ولهاذا شكلها مثل التاير مال بايسكل 😂.

المقادير يابا:
للعجينةاسمها #choux تنقري شوو

  • كوب طحين
  • نصف كوب حليب
  • نصف كوب مي
  • خمس ملاعق كبار زبدة
  • و رشة ملح
  • اربع بيضات

هذي بالكوب حتى لا تزعلون مني بس مو دقيقة ترى 🙄.
بالميزان المقادير :

  • طحين 125g
  • حليب 100m
  • ماء 100ml
  • زبدة 80g
  • و رشة ملح
  • اربع بيضات

طريقة التحضير

نخلي الحليب و الزبدة و المي على النار يذوب الزبدة و يبدي يغلي نخلي الطحين و نحرك بسرعة الى ان تصير عجينة.
نخليها تبرد و نطك فوكها اربع بيضات بالتدريج و نخفق.
نشكلها على شكل حلقة و نخلي فوكاها مكسارات. و اندخلها بفرن حار ١٨٠ فد نص ساعة وراها نطفي الفرن و نفتح باب الفرن فتحة صغيرة حتى البخار يطلع و تكسب عدنة. وراها انطلعها تبرد انكصها و نحشيها كريمة. و بس 🙄.
وصفة الكريمة انزلها بعد باجر اوك يابا.
تعبت من الكتابة 😂.

قيم هذه الوصفة

Chef Shaheen | شيف شاهين

👨‍🍳 Chef | شيف 🗼 Architect | مهندس معماري 🥐 Recipe developer | مطور اكلات 📞00964 772 228 2826 | WhatsApp 📧 [email protected]
زر الذهاب إلى الأعلى