أحدث الوصفاتالاطباق الرئيسية

مرقة لحم بالقرع الاخضر والبرتقالي العماني

مرقة لحم بالقرع الاخضر والبرتقالي العماني

سباق منو تقص اول الله يحفظهم عاملاتي.
عندي نوعين من القرع الاخضر والبرتقالي
قارناهم وقصصناهم.
ايضا بطاط وجزر.

حمست بصل جوانح لين صار اللون بني حطيت اللحم حمست حطيت شوي ثوم زنجبيل عود دارسين هيل ثلاث حبات ورق غار حبه وحمست حطيت الطماط الفرش مع علبة معجون طماط وحمست.
حطيت الكركم وشوي بهار مشكل كزبرا حمستهم عدل عدل حطيت الماي. بعد ساعه تقريبا حطيت البطاط والجزر.
.. بعدها بعشرين دقيقه حطيت القرع .
الملح وشوي من الصبار اللي اهو تمر هندي.

واذا احتاج ماي زدت.

تقريبا الطبخه خطا معاي ساعتين وسويت العيش المشخول المفچچ.

طبعا اليوم مرقتي مو خاثره ولا خفيفه وسط روعه جدا جربوها بهالطريقه وايد لذيذه وخفيفه.

قيم هذه الوصفة

نادية كوك | nadia_cooks

❤️طبخات نادية الكويتية🇰🇼 .. سنابي Nadia_cookss .. للاعلان والتغطيات ☎️51445140 .. الممثل القانوني عبدالله الحمادي @trust_lawyer
زر الذهاب إلى الأعلى