| عجينة طريّه طروآتها مو طبيعيه 😍👌🏻|
بالبدايه استخدمت الأكواب والملاعق المعياريه ..
المقادير
- كوبين طحين كويتي
- ربع م ص ملح
- م ص خميرة
- م ك سكر
- نص م ص بيكنج بودر
- ربع كوب زيت خفيف مثل دوار الشمس
- بياض بيضه وحده بحرارة المطبخ وتخلطون معها م ص خل أبيض
- نص كوب جبنة فلاديفيا بحرارة المطبخ ..
تعجنونهم مع بعض وبعدين تضيفون ربع كوب ماء دافي
وتعجنون مضبوووووط من قلب لين تصير العجينه ناعمه وملساااء و تخلونها تتخمر لمدة ساعه وتشتغلون عليها .. ولمن تشكّلون المعجنات تخلونها ترتاح ربع ساعه وتدخلونها فرن مسبق التسخين على درجة 400 فهرنهايت أو 200 درجه مئويه بالرف الوسط وماتخلونها تطول عن ربع ساعه بالفرن وأول ماتطلع تلفون ع الصينيه منشفه نظيفه وفوق المنشف كيس وتخلونها لين تدفى واستمتعو بالطرواه .. متأكده بتتسدحون عليها وبتدعون لي ويمكن تفتحون مشروع على هالعجينه << كأني تحمست 😂🙊 بس والله من قوّة ما هي عاجبتني ودي أذوقكم إياها 😘 .
. | حشوة الخضروات اللذيذه 😋👌🏻 |
1- نسلق 3 حبات بطاطس حجم وسط وبعد ما تستوي نشيل شوي من كمية الماء نخلي تقريباً كوب ونص
و نضيف عليه ( بهارات ايطاليه + بابريكا + فلفل أحمر و أسود + شوي كركم + ثوم وبصل بودره + ملح )
وبعدين نخلطهم بالخلاط لين يصير الخليط مره ناعم .
2- في تاوه وسيعه نشوح شرائح بصل مقطعه رفيعه
مع زيت زيتون لين يذبل .
3- بعدين أضفت فلفل رومي ملون مقطع مكعبات وجزر وكوسه وعاد أنتم حطو اللي تحبون من الخضروات .
ونشوّح لين تبدأ تلين وتنسجم مع بعض .
4- نبدأ نضيف خليط البطاطس ونغطّي على الخضروات ونحرّك كل شوي عشان مايلزق بأسفل القدر لين تستوي وتتسبك مع بعض .
5- نطفّي عنها النار وبعدين نضيف بقدونس وكزبره مفرومه وإذا حبيتو شوي شبت مفروم . وعساها ألف عافيه على قلوبكم ❤️✨
