مساكم الله بالخير ✋️✋️ طبختي اليوم الصياديه اللبنانيه على سمك السبوريم التركي على الطريقه اللبنانيه بأيادي كويتيه انا الحين مجاز ومجابل المطبخ عشق لاينتهي 😎 والسكر عندي عالي جدا 💉💉 والله كريم المهم الصياديه طبخه لبنانيه وايضا يطبخونها بعض الدول العربيه بنفس الاسم وطعمها لذيذ جدا يمكن اكون غيرت شوي فيها بس مشيت على طريقتهم فرمت البصل وكرملته مع الثوم والزنجبيل لين يصير بني ونزلت عليه البهارات الصحيحه الدارسين والمسمار والهيل وورق الغاروالفلفل الاسود والكزبر العدل وحمستهم مع البصل بالسمن البلدي وبعدين بهرت السمك ببهار السمك وقليته لين يحمر ونزلت البهارات الناعمه على البصل مثل الكركم والكزبر والكمون والومي لسحاري الاسود والببريكا الحمره وعلوب الفلفل الحار وحمستهم مع بعض وصبيت عليهم ماي حار وخليته يطبخ خمس دقايق وبعدين طحنت البصل وشخلته واضفت الملح ونزلت السمك ياخذ قلوه ورفعته مره ثانيه ونزلت الرز علي ماي الفوح وخليته يتسكر نص ساعه واقدمه مع دقوس لصبار وسهمكم العافيه تشبه طبخت المطبق بس فيها حركات ✋️✋️✋️✋️💐🌹
