| أصابع الجلاش بحشوة البطاطس المهروس |
وإذا تبون تكشخون:بوريك البطاطس المهروس ☺️
الحشوة :-
4 حبات بطاطس حجم وسط نغززها بالسكين يعني نسوي فيها فتحات من كل الجهات وبعدين ندخلها للمايكرويف تقريباً 6-7دقايق وكل وحده تجرب مع مايكرويفها تبدأ تحط 5دقايق وتزيد الوقت دقيقه دقيقه لين يستوي .
نقشر البطاطس ونبشره بالمبشره بشر ناعم وهذي أفضل وأسرع طريقه للبطاطس للمهروس.
3- في تاوه نضيف زيت زيتون مع ثوم مهروس وشوي زنجبيل مهروس جاهز أو طازج يصير نفرمه مع الثوم ونضيف البهارات وتكون مطحونه : كركم ، فلفل أسود وأحمر ، شوي من بهارات الكاري اذا تحبون وشوي كمون .. ونحمسهم مع بعض لين تطلع ريحتهم وبعدين نضيف بصل أخضر مقطع شرائح + فلفل رومي أخضر وأحمر أو حار
على حسب الرغبه ..
ونشوحهم بعدين نضيف البطاطس وآخر شيء بقدونس + كزبره + شبت .. والكميات على حسب الرغبه وخلصنا من الحشوه.
بعدين نجيب عجينة الكلاج فيه منها مربعات صغيره أو إذا كبيره نقصصهم مربعات ونغطيهم بمنشفه نظيفه والأفضل تكون مبلوله عشان ما تتكسر .
ناخذ مربع وندهنه بالزبده الذايبه بعدين نحط عليه شريحه ثانيه وندهنها ونحط الحشوه ونبرمها رول زي السبرينق رول بس عادي الاطراف مانقفل عليها وبعدين نمسحها كامل بالزبده الذايبه ونرش على الوجه حبه سوداء وندخلها فرن ساخن من فوق وتحت ولو عندك مروحة الفرن أحسن وأحسن تحمر لك الأصابع من كل الجهات 👌🏻 .
و بس تتحمر تكون جاهزه حلاتها تتقدم دافيه و بألف عافيه ♥️
