| عجينة بالقشطة الطازجة | .
طريّه طرآوه ولذيذه ع الآخر جربوها واحكمو 👌🏻
1- نحط المقادير هذي كلها مع بعض ونعجنها بالعجانة على سرعة وسط :
- 3 اكواب ونص طحين أبيض
- م ص خميرة فورية
- نص م ص ملح
- ثلث كوب سكر
- 200 جرام قشطة طازجة
- بيضة
- م ص فانيلا
- نص كوب حليب دافي
لو حسينا إن العجينه رطبه بزياده نزيد شوي طحين لين تتماسك بس أفضل تكون طريه مره بس ماتلزق باليد ونخليها تتخمر ساعتين بمكان دافي و مظلم .
2- نقسمها كور نفس المقاس كبيره او صغيرة على راحتكم بعدين حتى الحشوة على ذوقكم وممكن بدون حشوة أول مانكورها ندهنها بالحليب دهنتها بحليب وادي فاطمة وبعدين غطيتهم يرتاحون مره ثانيه من نص ساعه إلى 45 دقيقه وبعدين دهنتهم مره ثانيه ورشيت عليهم حبة سوداء وسمسم .
3- ندخلهم فرن مسبق التسخين من تحت بعدين نحمرهم من فوق واللي عندهم مروحه يشغلونها آخر 5 دقايق تعطي لون جميل للوجه 👌🏻 وأول ماتطلع من الفرن غطوّها بمنشفه تصير فيها رطوبه خفيفه لين تدفى شوي واستمتعو بالطرواه واللذاذه 😋 .
صحتين وعافيه على قلوبكم 💕
