خبز الفوكاشيا الايطآلي 🇮🇹
سهل مره يهبل وبنفس الوقت تقدرون تبدّعون فيه بالحشوات يطلع توحفه 😍👌🏻
العجينة /
4 أكواب طحين + ملعقتين ص ملح
+ م ص ونص خميرة فورية
م ك زيت زيتون
كوبين إلا ربع ماء دافي ممكن يزيد أو ينقص على حسب نوع الطحين .. نعجن كل المقآدير بالعجانة 5 دقايق لين تصير العجانه ناعمه ومطاطيه ماتلزق باليد ..
بعدين زي ماشفتو حاولت أمدّها شوي شوي بيدّي على شكل مستطيل وبعدين ع التغليف دهنت زيت وغطيت فيه العجينه لين ترتاح من نص ساعه إلى ساعه ..
بعدين ع الوجه حطّي زيت زيتون والنكهات اللي تحبينها :
دهنتها بالكامل بيستو الريحان بعدين أضفت زيتون كالاماتا مفروم وفلفل هلابينو ملون قطعته قطع صغير ونثرته ع الوجه مع اوراق نعناع تمنيت يكون عندي اكليل الجبل حلوه نكهته ع الخبز لو عندكم أضيفوه 👌🏻
عاد كل وحده وذوقها بدّعو 🤩
بعدين دخلتها فرن مسبق التسخين مشغل من تحت على درجة 200 خذت لها تقريباً 25 دقيقه وبعدين حمرتها من فوق وقصصتها وحشيتها ع السريع باللي كان موجود عندي 👌🏻
نكهة الخبز مع الحشوه تطلع ابدااااع جربوها بطلعاتكم مع فقرة الشاي والموالح توحفه شكل وطعم 😋
و عليكم بألف عافيه 💞
