وافل مالح محشي بالدجاج

سويت اليوم معكم ع السناب 😍 وافل مالح محشي بالدجاج رهيب مررررررررره 🔥 أنصحكم تجربونه وسهل جداً ويطلع منه كمّيه حلوه وكل ماصغرتي الحجم طلعت الكمّيه أكبر 👌🏻
.
.
سويته بطحين طيوب @tyoob_jamria طبعاً هالطحين ماأحتاج أضيف لا ملح ولا سكر ولا حليب بودره لأن كل هالمكونات فيه 👌🏻 وحاطين الزيت والخميره بأظرف منفصلة ✨
فاستخدمت الخميره واكتفيت فيها مااحتجت استخدم الزيت لأن أبي أضيف الزبدة .
.
.
أخذت من الطحين ثلاث أكواب ورشّيت عليها شوي من بهارات الشطة الحمراء .. ،
وبصحن ثاني عميق أضفت الخميره مع كوب كامل من كريمة الطبخ وكانت دافيه وخليتها شوي تتفاعل ثم أضفت بيضتين تقدرين تكتفين بحبّه وحده ثم خلطتهم زين مع بعض وأضفت عليهم الطحين وصارت عندي زي العجينة متماسكه شوي بس ليّنه وآخر شيء أضفت نص اصبع زبدة يعني 50 جرام ..
وبعدين نخليه يرتاح نص ساعه ..
.
.
ثم ناخذ قطعه و نحشيها و نقفلها زي الكوره و نضغط عليها خفيف ونحطّها بجهاز الوافل بس ضروري
نسخّنه قبل ثم اخبزيهم بالجهاز و رتّبيهم
بصحن للتقديم 😍
.
.
•الحشوة : نشوح قطع دجاج مكعبات صغيره متبله بالبهارات الايطاليه والفلفل الاسود والأحمر وشوي خل .
وبعدين نشيل الدجاج بصحن اذا تماسك ،
وبنفس التاوه / نشوح ثوم مهروس مع الزيت والاعشاب الايطاليه إذا طلعت ريحتها أضيف عليها البصل والفلفل الرومي الملون المقطع مكعبات بعدين الدجاج نخليه يكمل استواء وآخر شيء نضيف كريمة طبخ وشوي جبن قشقوان ونحط الملح لين تصير عندنا حشوه لذيذه متسبّكه على بعض . .
.
وأحلى شيء يتقدّم معها شاي خدير @khadeertea 😴🍃
.
.
ملاحظة مهمّة /
1/ إذا بستخدمون أي نوع طحين تمشون على نفس الطريقة بس تضيفون ملعقة كبيرة سكر + ربع ملعقة صغيرة ملح .
2/ مو ضروري رشة الفلفل على الطحين ممكن تضيفون أعشاب ايطاليه أو زعتر أو بدون على ذوقكم .
.
.
وبس أحبّكم 🥰 بألف عافيه على قلبكم يا رب .’