الخبزة السهلة واللذيذة مع جوسيـپّـي
المقادير
- طحين ٥٠٠ جرام
- خميرة ١ م ش
- ماي ٣٠٠ جرام
- زيت زيتون ٤٠ مل
- ملح ١٥ جرام
طريقة التحضير
نخلط الطحين والخميرة اول شي
نص كمية الماي و نخلط
بعدين نضيف النص الثاني من الماي تالي
يمكن تحتاجون تزيدون شوي
تعجنون بالايد او بالعجانة لما تمسك
بعدين نضيف الملح
و طريقة الخلط مثل ماهي واضحة بالفيديو
تتخمر في ماعون و حوالينها زيت زيتون و تتغطى لساعة واحدة
بعدين تنسفط و تنلحم اطرافها
و في صينية فرن فوقها طحين مع شقة طويلة عشان تتمدد بالفرن
و تدخل الفرن على حرارة 210c
لمدة 45 دقيقة
و داخل الفرن اكو جدر صغير فيه ماي عشان يرطب الخبزة و تصير احسن
يمكن الشرح طويل على الكابشنات الي اكتبها بالعادة لكن هالتفاصيل اهيا اللي تسوي فرق بالخبز و ما المفروض اكتفي بالفيديو ..
بعدين اكلناها مع زيت زيتون و ملح طلعت لذيذة جداً 👌🏼
و راح استخدمها بالطبخة الياية سوينا فيها طبقين ممتازين جدا
