《مقلوبة مسقعه》
.
غداكم بكرة 🤗 شرايكم
قدمتها الصيف الماضي على قناة سي بي سي سفرة في مصر المحروسة بضيافة المبدعة غادة التلي
.
@ghadaeltally
.
جدا جميله قلبا وقالبا .. واذا كنا محضرين كل شي مسبقا .. فهي سريعه
.
التحضيرات:
🔸️بطاط مكعبات مقلية نص قلي
🔸️شرايح باذنجان دائرية عريضه مقلية
🔸️شرايح طماطم عريضه مشوحه بمقلى بشوي زيت وثوم
🔸️شرايح جزر طولية مسلوقه بضع دقائق بس
🔸️لحم عجل او غنم فرم خشن مقلب بزيت بدون اي اضافات
🔸️رز بسمتي مغسول ومنقوع نص ساعه
.
◾الطريقه:
🔹️قلبت نص كيلو لحم عجل مفروم خشن مع شوي سمنه او زيت عادي .. لما طلعت منه الماي ونشفت ورفعته بطبق على جنب
.
🔹️بنفس القدر قلبت بصل وثوم لما ذبلوا سوا .. نزلت اللحم وبطاط مكعبات (مقلية مسبقا نص قلي) وممكن نشويها بالإير فراير او الفرن .. ونقلب الجميع بهدوء علشان البطاط لا ينهرس وتنعفس الطبخه
.
🔹️اضفت ملح وفلفل اسود وشوية كزبرة وكمون وبهار حلو وقرفه .. وبعدين نزلت معجون طماطم مذوب بكوبين ماء
.
🔹️خليتهم على نار هادية يتسبكووو تمام خمس دقايق والغطا مفتوح .. بعدين صفيت شرايح باذنجان عريضه (مقلية مسبقا) وممكن نشويها بالإير فراير او الفرن
.
🔹️فوقها صفيت شرايح طماطم عريضة (لمزيد من النكهه قلبتها مسبقا بمقلى عالنار بنتفه زيت وثوم مهروس)
.
🔹️بعدين صفيت شرايح الجزر على حواف القدر (الجزر سويته شرايح طولية بقشارة البطاط العادية وحطيتهم بماء مغلي خمس دقايق بس)
.
🔹️صبيت ماء بحيث بس يوصل لمستوى الطماطم علشان اضمن وجود الماء تحت قبل لا ضيف الرز
.
🔹️نزلت الرز المغسول ومنقوع نص ساعه .. الرز اللي استخدمته هو رز النجدي اكس اكس لارج
.
🔹️للعلم انا كنت حاط بماء النقع ملعقه بهارات مقلوبه جاهزة) وعموما هي عبارة عن خليط بهارات مشكله على كيفكم ماتفرق كتير
.
🔹️صبيت ماء مذوب فيه ملح (لكل موب رز ملعقه صغيرة ملح) وممكن اضافه مكعب مرق للماء ولو عندكم مرق لحم يكون احسن واحسن .. واضفت ملعقه صغيرة بهارات مقلوبه
.
🔹️بس نشف الماء .. نزلت شرايح الجزر من عالجوانب وقصرت النار عالاااخر وحطيت حديدة تحته وخليته حوالي نص ساعه وبالعافية 😊👌🏻
.
🚩 معلومه مهمه جدا … الرز اذا كان معاه اضافات ثانية تحته بالمقلوبه عامه .. مانضيف ماء فوق الرز بسانتي نفس ما تسوي لما يكون رز سادة … لان الماء يكون مخشوش تحت .. انتبهووو … بس نضيف ماء على قد مستوى الرز خصوصا انه منقوع نص ساعه
.
