《كيكة فانيليا طبقات》
.
السلام عليكم جميعا .. بعد العودة احب ابدأ معاكم بوصفة هالكيكة السنفورية 💙 كنت سويتها قبل السفر .. اتمنى تعجبكم وتجربونها .. واحب جداا اشوف تطبيقاتكم ⚘
.
◾مقادير الكيكة:
.
🔸️كوب ونص سكر
🔸️ثلث كوب زيت نباتي
🔸️٢ حبة بيض
🔸️١ م.ص فانيليا
🔸️ثلث كوب زبادي او كريمه حامضة
🔸️١ وثلاث ارباع الكوب طحين متعدد الاستعمالات
🔸️٢ م.ص باكنغ باودر
🔸️رشة ملح
🔸️نص كوب لبن (لبن الشرب) او حليب خاثر بكتب لكم طريقته تحت
🔸️ثلثين كوب سفن اب او ماء صودا
.
◾مقادير الكريمه:
.
🔸️٣ كوب سكر بودرة
🔸️٢٠٠ جرام زبدة بحرارة المطبخ
🔸️١ م.ك فانيليا
🔸️٢ م.ك كريمة حلويات سائله
.
◾طريقة الكيك:
.
🔹️نجهز المواد الجافه ونمزج بطبق الطحين والباكنغ باودر والملح ونخليهم على جنب
.
🔹️نركب المضرب الشبكي ونبدأ بخفق السكر والبيض والزيت والفانيليا مع بعض لمدة لاتقل عن ثلاث دقايق
.
🔹️نضيف الزبادي او الكريمه الحامضه ونخلط ثواني او لحين التمازج تماما
.
🔹️الحين نضيف نص المواد الجافه ونخلط تررررررر
.
🔹️نضيف اللبن او الحليب الخاثر مرة وحده ونخلط تررررر
.
🔹️نضيف باقي المواد الجافه ونخلط ثواني ترررررر
.
🔹️نضيف السفن اب او الصودا ونكنل خلط ثواني أو لحين التمازج تماما
.
🔹️نصب الخليط بثلاث صواني مدهونه زيت ورشة طحين (لاتدهنو بزبدة علشان لاتحمر الاطراف وايد) مقاس ٨ انش او على صينيتين اكبر وينفع بقالب واحد ٩ انش مفتوح من الوسط(على كيفكم)
.
🔹️وبالفرن المحمي مسبقا حرارة ١٧٠ يمكن تاخذلها ربع الى ثلث ساعه وطبعا لو قالب واحد مفتوح من الوسط بتاخذ وقت اكثر وسلامتكم
.
◾بالنسبه للكريمه:
.
🔹️نركب المضرب الشبكي ونخفق الزبدة مدة طويله لاتقل عن خمس الى سبع دقايق مع مراعات نوقف المكينه كل دقيقه ونمسح الحواف ونكمل خفق .. والنتيجه الحصول على زبدة بيضاااااااا وناااااعمه غير هالنتيجه ماينفع نكمل
.
🔹️نضيف السكر بالتدريج بواقع نص كوب كل شوي .. لغاية مانخلص الكمية .. وطبعا مع مراعات نوقف المكينه كل دقيقه ونمسح الحواف ونكمل وهكذا
.
🔹️بالاخر نضيف الفانيليا او اي نكهه نحبها والكريمه السائله ونخفق لحين الحصول على القوام المطلوب
.
🔹️ممكن نحتاج كريمه اكثر شوي او اقل .. المهم القوام يكون عاجبنا .. واذا حبينا تلوين الكريمه نضيف ملون طعام بهالمرحله وبالعافية 😊👌🏻
.
🚩 الحليب الخاثر .. نجيب كوب حليب سائل كامل الدسم بارد .. ونضيف عليه ملعقه كبيرة خل ابيض او عصير ليمون ويترك عشر دقايق .. بيصير كانه حليب فيه كتل صلبة .. ناخذ منه احتيجنا للوصفه ويستخدم مباشرة
.
#محمد_الكلحه #كيكة_فانيليا_كلحه #حلويات_كلحه
.
.
.
