《كيكة البابونج》
.
هذي الكيكة جت معاي بالصدفه .. اللي متابع الستوري يعرف اني اشرب اعشاب يوميا صبح ومسا .. وعلشان احسن الطعم قمت اخلطه بشاي اخضر وفكرت اني اخلطه ببابونج لرفع قيمته الغذائية ولان البابونج طعمه حلو اساسا
.
فقلت ليش ما اسوي فيها كيكة؟!! واضافة العسل والحليب بكون مناسب جدا وفعلا هذا اللي صار
.
جربوها طعمها لذيذ بشكل لايوصف .. ما اقدم لكم الا الزين 👌🏻
.
◾المقادير:
.
🔸️٢٠٠ جرام زبدة
🔸️كوب وربع سكر
🔸️٤ حبات بيض + شوية فانيليا
🔸️٣ كوب طحين
🔸️ملعقه صغيرة كربونات
🔸️نص ملعقه صغيرة باكنغ باودر
🔸️رشة ملح
🔸️برش الليمون (اختياري)
.
🔸️كوب حليب سائل
🔸️نص كوب اعشاب بابونج
🔸️ملعقتين كبار او اكثر عسل طبيعي
🔸️٢ م.ك عصير ليمون وممكن استبدالهم بملعقه وحده خل ابيض
.
#كيكة_بابونج_كلحه #محمد_الكلحه #لذيذة_لذاذة_اللذوذين_كلهم😋👌
.
◾الطريقة:
.
🚩 خليكم مرتبين بالشغل بصير كل شي سهل عليكم
.
🔹️اول شي حضروا (المقادير الجافه) .. نخلط الطحين والكربونات والباكنغ باودر والملح وبرش الليمون مع بعض بالملعقه .. جق جق جق ونخليهم على جنب
.
🔹️والان نحضر (المقدار السائل) .. على النار نحط الحليب والبابونج والعسل .. ونسخنهم عالنار لحين الغليان .. نطفي النار ونتركه يتشرب الطعم تمام والعسل يذوب
.
🔹️نصفي الحليب بغض النظر كم طلع المقدار .. نضيفله ملعقتين عصير ليمون او ملعقه خل .. ونخليه على جنب يبرد
.
🔹️بالمكينه .. نركب مضرب التقليب .. ونضرب الزبدة والسكر لمدة لاتقل عن خمس دقائق .. وهالخطوة مهمه .. مع مراعات مسح الحواف اثناء الخلط للتأكد ان كل الكمية اندمجت
.
🔹️نضيف البيض مع الفانيلا بالتدريج .. بيضه بيضه والمكينه شغاله .. وبس نخلص
.
🔹️نضيف خليط المواد الجافه والسائلة بالتناوب .. جافه سائلة جافه
.
🔹️ننتبه .. اخر كمية من المواد الجافه نضيفها ونخلط بالملعقه جق جق جق .. بس بهدوء .. مانبي نفقد الهوا من الخليط
.
🔹️نصب الخليط بقالب مفتوح من الوسط مقاس تسعه انش (مدهون زبدة ومرشوش طحين) وندخله فرن محمي مسبقا حرارة ١٨٠
.
🔹️٤٥ دقيقه بالضبط .. نطلعه .. ومباشرة نسوي ثقوب ونشربه بثلث كوب فقط من سائل التشريب (الطريقه تحت)
.
🔹️نخليها تبرد نص ساعه ونقلبها .. وندهنها بباقي خليط التشريب (مو شرط نخلصه كله ادهنوها شوي بس)
.
◾خليط التشريب : عالنار نسخن نص كوب ماء .. ونص كوب بابونج ونص كوب سكر وربع كوب عسل وملعقتين عصير ليمون
.
🔹️نفس الشي بس يسخن .. نطفي النار ونصفيه بالمصفاة ونتركه يبرد ونشرب فيه الكيكة وندهن بالباقي نفس المكتوب
.
🔹️وسلامتكم .. ان شالله تعجبكم 😊👌🏻
.
.
