《كتف غنم بالفرن》
اهو بيني وبينكم نص كتف مو كتف كامل 😅 علشان يستوي اسرع وكميته على قدنا 👶
حطيت التتبيلة .. ثوم وزنجبيل و روب وطرشي مانغا وصلصة باربيكيو وملح وفلفل اسود وبهار مشكل وبابريكا وزيت زيتون
تبلت الكتف وسويت فيه ثقوب وحشيتهم بالثوم وغطيته بنايلون وخليته بالثلاجه من قبل بيوم
كافي عليه ساعه بس انا كنت اوفر وقت الشغل بالمطبخ وسويته قبل بيوم
بيوم الطبخ .. حطيته على شبك وفرشة خضار … من هالموجود بالثلاجه .. بطاط على طماط على بصل وبروكلي وفلفل بارد
صبيت ماي بالصينية تحت الشبك وغطيته بقصدير .. وعالفرن حرارة ٢٢٠ اول نص ساعه
بعدين نزلت الحرارة ١٨٠ وخليته ساعه ونص واحتمال ساعه كافي .. واخر شي شلت القصدير ودهنته خليط زبدة وصويا صوص وحمرته شوي
🚫⚠️ مهم جدا .. كل ربع ساعه زيدوا ماي بالصينية .. اللي كان متابعني لايف امس شافني كنت بالمطبخ طواريء اشتغل باكثر من وصفه ونسيت احط ماي والخضار للاسف راح نصها والماي نشفت والصلصة اللي تتجمع تحت نشفت 😠
قدمته مع رز بالخضار والبهارات وبالعافية 😊👌🏻
#وصفات_كلح
هل الفيديو لا يعمل؟ إضغط هنا
